Skip to content

ಮಿಥ್ಯದ ಅರಿವು

ಡಿಸೆಂಬರ್ 31, 2014
ಕ್ರೌರ್ಯದಲಿ ಸತ್ತ ವ್ಯಕ್ತಿತ್ವದ ತುಂಡುಗಳನ್ನು
ಒಂದೊಂದಾಗಿ ಕಿತ್ತೆಳೆದು ಹೊರಹಾಕಿ
ಶುದ್ದ ಮಾನವನಾಗುವ ಹಂಬಲದಲಿ
ಪೊರೆ ಕಳಚಿ, ಮೈ ಕೊಡವಿ ಮೇಲೆದ್ದೆ.
,
ಸುತ್ತಲಿದ್ದ ಜನ, ಹೊಸರೂಪ ನೋಡದಲೆ
ಸತ್ತ ಕ್ರೌರ್ಯವ ನೆನಪಿಸಿ ಕುಹಕಿಸಿದರು;
ಅವರ ನುಡಿಗಳ ನೆನೆಯದೆ ನಡೆದೆ
ಆದಷ್ಟು ದೂರ, ಎಲ್ಲ ಬಂದನಗಳಾಚೆಗೆ.
,
ನನ್ನದೇ ದಾರಿಯಲಿ ನಡೆಯುವಾಗ,
ನಕ್ಕರು ಇನ್ನೊಂದಿಷ್ಟು ಜನ, ಕೊಂಕಿಸುತ;
ಅವರ ನೋಡುತ, ನನ್ನತನವ ಮುಷ್ಟಿಹಿಡಿದೆ;
ಅವಡುಗಚ್ಚಿ ನಡೆದೆ, ಗಮ್ಯವ ನೆನೆಯುತ.
,
ಜಗದ ಸತ್ಯ, ಸಾರ್ವಕಾಲಿಕ ಸತ್ಯ, ಎಲ್ಲವೂ
ಕ್ಷಣಿಕ ಈ ನಿತ್ಯ ಜನಜಂಗುಳಿಯೊಳಗೆ,
ನಾನಾರನೂ ಮೆಚ್ಚಿಸಲಿಲ್ಲ, ಆ ಅವಶ್ಯವೂ ಇಲ್ಲ.
ನನ್ನದೇ ಮನದ ಹುಡುಕಾಟದಲ್ಲಿ ನಾನಿದ್ದೆ.
,
ಗತಿಸಿಹೋದ ನಿನ್ನೆಗಳ ನೆನೆಯಲಿಲ್ಲ
ನಾಳೆಗಳ ಹೊಳಹಿನೊಳಗೆ ಕ್ಷಣ ಕಳೆಯಲಿಲ್ಲ
ಈ ಕ್ಷಣವೇ ನನ್ನದೆನ್ನುತ, ಆಸ್ವಾದಿಸಿದೆ
ಜಲಪಾತದೆದುರಲ್ಲಿ ನಿಂತು, ನೀರ ಹನಿಗಳನು.
,
ಕೊಂಕು ಕುಹಕವಾಡಿದ ಜನ, ಅಲ್ಲೇ ಇದ್ದರು
ನಾನು ನನ್ನನೇ ಹುಡುಕುವುದರಲ್ಲಿ ಮುಳುಗಿದೆ;
ಜಗವೆಲ್ಲ ಮಿಥ್ಯ, ಮತ್ತಲ್ಯಾಕೆ ಹುಡುಕಲಿ ಸತ್ಯ?
ಸವೆಸಿದ ದಾರಿ ಹೇಳಿತು, ಬದುಕೆಂದರೇನೆಂದು!
,
ದೂರದಲಿ ನಿಂತು ಕಣ್ಣರಳಿಸಿ ನೋಡಿದಾಗ
ಮಾನವ ಜೀವಿಯಾಗಿ, ನೈಜ ಬದುಕು ಮರೆತು
ಬದುಕಿದಂತೆ ನಟಿಸುವುದೇ, ಬದುಕೆಂದುಕೊಂಡಂತ್ತಿತ್ತು
ಪ್ರಕೃತಿಯ ಮೌನ ಅರಿತರೆ, ತನ್ನತನದ ಅರಿವಾಯಿತು.
,
-ಜೀ ಕೇ ನ
(ಕರ್ಮವೀರ ವಾರಪತ್ರಿಕೆಯಲ್ಲಿ ಪ್ರಕಟಿತ)
Advertisements
One Comment
  1. ಬದುಕಿದಂತೆ ನಟಿಸುವುದೇ, ಬದುಕೆಂದುಕೊಂಡಂತಿದ್ದಾರೆ ಗೆಳೆಯ ಅದೇ ವಿಪರ್ಯಾಸ!
    ಕ.ವೀಕ್ಕೆ ವಂದನೆಗಳು.

    Liked by 1 person

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: